Бүгін Павлодар қаласындағы С.Торайғыров атындағы облыстық әмбебап-ғылыми кітапханасында ҚМДБ «Уақып» корпоративтік қайырымдылық қорының директоры Азамат Әбдікерімұлымен кездесу өтті. Кездесуде осы қордың директорының орынбасары Абдуайт Абдуалибек Анарқұлұлы да болды.
Кездесуге Павлодарлық дін қызметкерлері, кәсіпкерлер, жамағат өкілдері қатысты.
Азамат Әбдікерімұлы «Уақып-сарқылмас қазына» тақырыбында насихат айтып, «уақып» сөзінің мағынасы, шарттарын түсіндірді. Сонымен қоса жуырда «Мүфтият» баспасынан шығатын қасиетті Құран Кәрімнің жаңа басылымы туралы, оның форматы, каллиграфиясы туралы да жан-жақты әңгімеледі.
Соңында сұрақ-жауаптар айтылып, ақсақалдар батасын берді.
