Қазақстан мұсылмандары діни басқармасы Павлодар облысы өкілдігінің ұйымдастыруымен «Мәшһүр Жүсіп», «Ақмешіт», Екібастұз және Ақсу қалалық мешіттерінде «Muftiyat» баспасының кітап жәрмеңкесі өтті.
Бұл жәрмеңкелердің мақсаты – өңір тұрғындарының діни сауатын арттыру, имандылыққа баулитын отандық басылымдарды насихаттау және кітап оқу мәдениетін жандандыру болмақ.
Мешітке жұма намазына жиналған жамағатқа арналып арнайы сөрелер қойылып, осы баспадан шыққан 60тан астам түрлі баспа өнімдері көпшілік назарына ұсынылды. Бұл өнімдер діни-танымдық, рухани тәрбие, отбасылық құндылықтар және ұлттық дәстүрлер тақырыбындағы түрлі кітаптар мен әдістемелік құралдар.
Келушілер өздеріне қажетті әдебиеттерді қолжетімді бағамен сатып алып, «Muftiyat» баспасының жаңа басылымдарымен танысу мүмкіндігіне ие болды.
