Павлодар облыстық «Мәшһүр-Жүсіп» орталық мешітінде ақ кимешекті әжелер мен жаулықты аналар бас қосып, халқымыздың ұлттық киімін, соның ішінде қазақ әйелдерінің ұлттық бас киімінің ерекше үлгісін көрсетті.
Шара «Әйел-қыздар секторы» мен облыстық «Қажылар қауымдастығы»-ның және «Қазақ аналары-дәстүрге жол» республикалық қоғамдық бірлестігінің ұйымдастыруымен өтті.
Іс-шара 1 мамыр - Қазақстан халықтарының бірлігі күніне және биылғы «Ислам және отбасы құндылығы» жылына орай ұйымдастырылып, мешітте марқұмдарға Құран бағышталып, дұға жасалды.
