Павлодар облысы, «Мәшһүр Жүсіп» орталық мешіті «Дін мен дәстүр» жобасы аясында Павлодар қаласының «Bektaem» жиу-житсу клубымен бірлесе отырып, «Ramadan Cup» атты жиу-житсу күрес түрінен жарыс ұйымдастырып өткізді.
Жарысқа Қазақстанның түкпір-түкпірінен, әр түрлі жастағы әр түрлі салмақтағы 900 жуық спортшылар қатысты. Жарыс екі күнге жалғасып, аса қызықты да тартысты болып өтті.
Жарыс соңында облыс бас имамы Жолдас қажы Қоспақұлы қорытынды сөз сөйлеп, қатысқан барлық спортшыларды құттықтай келе оларға көрсеткен нәтижесі бойынша Алғыс хаттармен қоса алтын, күміс, қола медальдарды табыстады.
