Павлодар облысының бас имамы Жолдас қажы Қоспақұлы облыстық дін істері басқармасымен бірлесе отырып Павлодар қаласындағы «Бірлік» спорт кешенінде кездесу өткізді. Кездесуге спорт саласында жүрген шәкірттер, спортшылар, жаттықтырушы-тәрбиешілер қатысты.
Облыс бас имамы өз насихатында спортшыларға жат ағымның ықпалына еріп кетпеу, сақтану, алдын-алу шаралары туралы кеңінен түсіндіріп әңгімеледі.
Бүгінде ҚМДБ-нан ұстанып отырған дін мен дәстүр бағытының маңыздылығы туралы айтылды. Оларды жат ағымның түрлі айла-шарғысына түсіп қалмай, ата бабаларымыздың ежелден ұстанып келе жатқан дәстүрлі исламмен жүруіне, ол үшін діни білімді мешіттен, имамдардан үйренуге шақырды.
Кездесу қатысушылардан қойылған әртүрлі сұрақтарға жауап берумен аяқталды.
