Ертіс ауданы Ержан мешітінде құрбан айт намазы оқылып, елімізге бейбітшілік, тыныштық, береке тілеп дұға жасалды.
Намаздан кейін ауыл халқы құрбандықтарын шалып (1 қара мал, 30 шақты қой) , құрбан малының еттері мұқтаж отбасыларға таратылды.
Мешіт ауласында мешіт жамағаты мен ауыл тұрғындарының қатысуымен ұлттық нақыштағы іс-шаралар ұйымдастырылды.Қол күрес, кір тасын көтеру, арқан тартыс, тоғызқұмалақ, жілік сындыру, қой көтеру, асық ату,бес асық және дәстүрлі садақ ату сайысы өтіп, жеңімпаздарға сыйлықтар табыс етілді.
Келесі кезекте айттық дастарханы жайылды. Балаларға балмұздақ , шырын және тәттілер таратылады.
