Қасиетті Рамазан айын ауыл мешіттері де зор дайындықпен қарсы алуды. Павлодар облысының Ресеймен шекаралас ең шалғай мешіттерінің бірі Қаратай аулының «Қаратай» мешітінде Рамазан айына дайындық қарқынды жасалды. Мешіттің іші-сыртына толығымен тазалық жұмыстары жүргізілді. Мешіт ауласына жамағатты қасиетті аймен құттықтаған баннер іліп, ауыл халқына ораза кестесі таратылды. Мешіт жамағаты Бекенов Марат бауырымыз мешітке жаңадан шаңсорғыш сыйлық жасап, жамағатқа ауызашарға арнап таза сулармен жеткілікті қамтамасыз етті.
Берекелі, сауабы мол айда Алланың мейіріміне бөленіп, әрбір ізгі амалымыздың жақсылығы еселеніп жазылғай!
