Бір сопыдан:
– Күніне қанша тамақ жеуіміз керек? – деп сұрапты біреу.
– Бір тілім нан мен екі түйір зәйтүн, – деп жауап беріпті сопы. Бұл жауапқа қайран қалған әлгі адам:
– Осыншалықты ғана тамақ бізді тасып жүре ала ма? – депті.
– Осыншалықтысы да сені тасуға жеткілікті, бұдан артығын жесең, оны сен тасып жүретін боласың, – деген екен сопы.
Таңғы ас, түскі ас, бестің шайы, кешкі ас дегенді кім шығарды екен?
Мөңке бидің:
“Ақырзаман адамы –
Сағынып тамақ жемейді,
Ащыны – ащы демейді”, – дегеніне қарағанда, бабаларымыз да әбден қарны ашқанда, сағынып қана тамақ ішкен тәрізді ғой.
Салтан САЙРАНҰЛЫ
