Пайғамбарымыз (с.а.у.): «Қиямет күні Тихаме тауларындай сауабы болған қауым келеді. Олар Алланың дәргейіне келгенде Алла Тағала олардың сауаптарын бос қылады және оларды тозаққа лақтырады» - деген.
Әбу Хузәйфаның (р.а.) азаттысы Сәлім (р.а.):
«Анам мен әкем саған пида болсын уа, Расулалла! Бұл қауымның кім екенін бізге айтсаң, бізде білейік. Сені хақ Пайғамбар қылып жіберген Аллаға ант етейін мен олардан болудан қорқып отырмын» деді. Пайғамбарымыз (с.а.у.):
«Уа, Сәлім! Олар намаз оқып, ораза тұтатын. Бірақ оларға харам нәрсе берілгенде дереу алатын. Сондықтан Алла олардың амалдарын қабылдамады» деді.
