Құрбандыққа ауру емес, тексерілген малды алу қажет. Малды бауыздау, сою, бөлу, тасымалдау, сақтау және пісірерде тазалыққа барынша мән беру керек.
Ішек-қарын, бас-сирақ пен ет бір жерде тұрмау керек.
Бауыздау, сою, бөлшектеу істері салқын жерде атқарылуы қажет. Қан, ішек-қарын секілді нәрселерді қалай болса, солай тастамау керек, ағын суға төкпеу керек.
Етті сойған бойда тоңазытқышқа, пакетке немесе жабық жерге бөлшектенбеген күйде бірінің үстіне бірін қоймаған жөн. Ет салқындаған соң тоңазытқышқа салып, ол жерде 12 сағат тұрғаны жөн. Бірден ас әзірленбейтін еттерді қажетті мөлшерде бөліп, мұздатқышқа салған дұрыс немесе қуырып алып сақтауға болады.
Eт тоңазытқышта 2-3 күн, ал тартылған ет 1 күн сақталады. Eгер бірден пайдаланбайтын болса, шағын пакеттермен мұздатқышқа салу керек. Тоңазыған етті жібіту үшін мұздатқыштан шығарып тоңазытқышқа қойған дұрыс, жылы бір нәрсенің үстіне, бөлме температурасында яки ыстық суда жібітпеу керек.
Піскен етті ыстықтай мұздатқышқа салмау қажет, бөлме температурасында 2 сағаттан артық ұстамау керек.
Шикі етті дайындар алдында қолды жақсылап жуып, құрғату қажет. Шикі ет үшін пайдаланған пышақ пен тақтайды жумай, жеміс пен көкөніс үшін қолданбау керек. Мүмкін болса, ет турайтын тақтай бөлек болғаны дұрыс.
